2016թ. նոյեմբերի 28-ից 30-ը «Էլիտ պլազա» բիզնես կենտրոնում Գլոբալ զարգացումներ հիմնադրամը կասմակերպեց աշխատաժողով «Գործնական մոտեցում հմտությունների կանխատեսմանը՝ թիրախավորված զբոսաշրջության և ՏՏ ոլորտներին: Վերլուծություն, կարողությունների զարգացում, գործնական կիրառում» թեմայով: Եվրոպական կրթական հիմնադրամի այս նախագծի նպատակն էր քննարկել աշխատաշուկայի և հմտությունների դինամիկայի ընկալման վերլուծական կարողությունների ամրապնդմանն ու պահանջարկի փոփոխման դեպքում հմտությունների համակարգի արդյունավետ արձագանք ապահովելու թիրախավորված՝ շահակիցների ցանցերի ստեղծումը խթանելուն ուղղված գործնական մոտեցման ներդրման խնդիրները և ներկայացնել Չեխիայի Հանրապետության փորձը: Այս նախաձեռնությունը ներածական բնույթ կկրի, իսկ հետագայում ազգային և միջազգային գործընկերները կարող են օժանդակել նաև այլ գործողությունների:
Աշխատաժողովը բաղկացած էր 3 հիմնական մասերից, որոնք հասցեագրված էին տարբեր լսարանների.
Մաս 1. Համակարգային մոտեցում հմտությունների կանխատեսմանը
Մաս 2. Կոնկրետ գործիքների դիտարկում
Մաս 3. Երկու ոլորտներում հմտությունների պահանջարկի խորքային վերլուծություն. ուսուցում և մեթոդաբանության կիրառում
Միջոցառմանը մասնակցեցին ԵԿՀ ներկայացուցիչներ, Չեխիայի Հանրապետության Զբաղվածության և ուսուցման ազգային դիտակետի (ԶՈՒԱԴ) միջազգային փորձագետներ, աշխատաշուկայի, զբաղվածության, վիճակագրության և կրթության ոլորտի տեղական փորձագետներ, Զբաղվածության պետական գործակալության, գործատուների միությունների, ուսումնական հաստատությունների և այլ շահակից կազմակերպությունների ներկայացուցիչներ:
